چهارشنبه , میزان ۲۵ ۱۳۹۷
Home / روغتيا / د سرطان خبرداري ورکوونکې وسیله جوړه سوه

د سرطان خبرداري ورکوونکې وسیله جوړه سوه

په وروستیو کلونو کي د سرطاني ناروغیو د درملني په برخه کي زیات پرمختګ سوی خو لا هم د دې ناروغۍ مخه نه ده نیول سوې، په تېره بیا هغه وخت د سرطان درملنه ناشونې سي چي پرمختللي پړاو ته ورسېږي.

له همدې کبله ډېرې څېړني په دې کېږي چي د سرطان عوامل وپېژندل سي یا مخکې تر دې چې دا ناروغي په بدن کې وده وکړي، وپېژندل سي.

په لومړي پړاو کي د سرطان تشخیص د درملنې امکان خورا زیاتوي.په سویس کي څېړونکو یو ډول سیستم جوړ کړی چې د انسان تر پوست لاندې د ایمپلینټ په بڼه اېښودل کېږي او که د چا په بدن کې د سرطان لومړنۍ نښې رابرسېره شي، خبرداری ورکوي.

هرڅومره چې سرطان ژر تشخیص شي ژر او اسانه یې درملنه کېدای سي.

په سویس کې د زوریخ (ETH Zurich) انستیتیوت څېړونکو د ۴ ډوله سرطانونو مخکې تر مخکې خبرداري ورکوونکی سیستم جوړ کړی دی.

دا سیستم د وینې د کلشیم اندازه څاري او ناروغ ته خبر ورکوي.

د خبر ورکولو طریقه یې دا ده چې پر پوستکي یې یو خال پیدا کوي. د خال معنا دا ده چې سرطان په پیلېدو دی.

د دې سیستم په وسیله خال تر دې ډېر مخکې چې په نورو وسایلو د سرطان څرک ولګېږي، پر پوستکي پیدا کېږي.

دا سیستم د پروستیت، سږو او سینې د سرطان په تشخیص کې زیات بریالی ښکاري.

About Nisar Ahmad Ahmadi

ليکوال او ژورناليست

Check Also

د بدن د دفاعي سیستم د پیاوړتیا لپاره دا لارښوونې عملي کړئ

ژباړه او راټولونه: مریم محمدي په بدن کې د ګټورو مواد د کمښت له امله …