چهارشنبه , میزان ۲۵ ۱۳۹۷
Home / افغانستان / ایران د بن لادن زوی (حمزه) هڅولی چې افغانستان ته لاړ شي

ایران د بن لادن زوی (حمزه) هڅولی چې افغانستان ته لاړ شي

د اسامه بن لادن د کورنۍ غړیو شرق الاوسط ورځپاڼي ته ویلي چي ایران په وروستیو کي د اسامه بن لادن زوی (حمزه) هڅولی چي د سعودي عربستان پر ځای افغانستان ته لاړ سي.

ورځپاڼه وايي چي حمزه بن لادن له خپلي مور سره په تهران کي اوسېده خو د دوی د کورنۍ نور غړي په سعودي عربستان کي دي.

شرق الاوسط وايي، څو سرچینو ورته ویلي«د اسامه بن لادن یو شمېر نور زامن، د هغوی ښځي او لوڼي له وړاندي لا له تهران څخه سعودي عربستان ته تللي دي.»

حمزه بن لادن د خیریه صبار زوی دی. صبار د بن لادن یوه له ۴ مېرمنو څخه ده.

د بن لادن څلورم زوی ۳۷ کلن عمر شرق الاوسط ورځپاڼي ته وویل چې د ده ۵ سکه وروڼه او خویندې په تهران کې اوسېدل.

د عمر مور (نجوا غنیم) نومېږي.

عمر له تهران څخه د خپلو خویندو او وروڼو د ایستلو لپاره هڅې وکړې چې په نتیجه کې یې محمد، باقر، ایمان او عثمان خپل هیواد ته بېرته وګرځېدل.

د عمر په وینا د سعودي عربستان له جګپوړو چارواکو سره یې تماسونه نیولي و چې د ده د خپلوانو د بېرته ستنېدو لار هواره کړي.

ده هغه راپورونه تایید کړل چې پر اساس یې ویل شوي و چې د ده ورور (حمزه) د ابومحمد الامصري له لور سره واده کړی دی. الامصري د ۲۰۰۱ د سپټمبر د یوولسمې نېټې په حملو کې کې لاس درلود.

مخکې ځینو رسنیو اټکل کړی و چې حمزه بن لادن د سپټمبر د پېښې د یوه بل مهم برخوال محمد عطا له لور سره واده کړی دی.

ایران، هغه مهال چې په افغانستان کې طالبان واکمن ول او القاعده شبکه فعاله وه، د دواړو مخالف و، خو اوس یې ملي ګټې تقاضا کوي چې هم د القاعده غړي وساتي او هم د طالبانو ملاتړ وکړي.

About Nisar Ahmad Ahmadi

ليکوال او ژورناليست

Check Also

ولسمشر غني، ټولي دولتي ادارې د کورنیو تولیداتو رانیولو ته مکلفوم

ولسمشر غني وايي، له راتلونکې لمریز کال څخه به دولتي ادارې مکلفي کړي چي د …