جمعه , قوس ۲۳ ۱۳۹۷
Home / خبرونه / اسلامي هیوادونه: ختیځ بیت المقدس دې د فلسطین پلازمېنه ومنل سي

اسلامي هیوادونه: ختیځ بیت المقدس دې د فلسطین پلازمېنه ومنل سي

په ترکیه کې  د اسلامي همکارۍ تنظیم د نړۍ له ټولو هیوادونو وغوښتل چي ختیځ بیت المقدس د فلسطیني ادارې د پلازمېني په توګه په رسمیت وپېژني.

د ترکیې په استانبول کې د ۴ اسلامي هیوادونو مشرانو په خپله بیړنۍ غونډه کي د امریکا د ولسمشر ډانلډ ترمپ له لوري د اسراییل د پلازمېني په توګه د بیت المقدس د پلازمېني د منلو پرېکړه غیرقانوني وبلله.

دوی دغه راز وویل چي د امریکا دا پرېکړه د دې ښکارندويي کوي چي دا هیواد د خبرو له لاري د منځني ختیځ د مسلې د حل کولو اراده نه لري.

غونډي ته د فلسطیني ادارې مشر محمود عباس وویل، نور د امریکا منځګړتوب نه مني ځکه چي په زغرده د اسراییل ملاتړ کوي.

د ترکیې ولسمشر رجب طیب اردوغان اسراییل یو تروریست هیواد وباله.

ده وویل چي د امریکا له لوري د بیت المقدس په رسمیت پېژندا هیڅ ارزښت نه لري.

د افغانستان ولسمشر محمد اشرف غني د اسلامي هېوادونو د همکارۍ سازمان د فوق العاده ناستي ګډونوالو ته په خپله وینا کي وویل: مونږ په ځانګړي تاریخي شیبه کي سره راټول سوي یوو چي د اسلامي امت او نړۍ ګډ پام پر قدس، حرم شریف او د فلسطین د خلکو پر حقونو متمرکز دی. هغه زیاته کړه، قدس زموږ لومړنۍ قبله او د حرم شریف او د (مسلمانانو) د دریم سپېڅلي جومات په توګه د مسلمانانو په توګه زموږ  د هویت مرکزي هسته تشکیل کړې او زموږ د اسلامي تمدن کلیدي سمبولونه دي.

ده زیاته کړه: له پیوستون څخه په استفادې کولای سو د فلسطین خلکو او حکومت سره د مرستي لپاره جامع پلان ترتیب کړو، ځکه واړه اقدامات  او خورې ورې پروژې کافي نه دي.

ولسمشر غني په فلسطین او سیمه کي د عادلانه او پایداره سولي د تامین په خاطر د عرب نوښت جامع طرحي د ترتیب لپاره له بین المللي قوانینو څخه استفاده مهمه وبلله او ټینګار یې وکړ چي د مسلمانانو او عیسویانو، د خلکو او د امریکا په ګډون د امنیت شورا کلیدي غړو ترمنځ، تلپاتي سولي ته د رسېدو په خاطر سم درک ته اړتیا ده.

د امریکا ډېرو نژدې متحدانو لکه فرانسې او بریتانیا د بیت المقدس په اړه د ټرمپ برېکړه غندلې خو له دې سره سره ګومان نه کېږي چي اسلامي هیوادونه دې ختیځ بیت المقدس د فلسطینیانو د پلازمېني په توګه په رسمیت وپېژني.

About Nisar Ahmad Ahmadi

ليکوال او ژورناليست

Check Also

U?Ui??O?Ui??O?Oi?? O?Ui??US Ui??Ui?? U?Oi??Ui??O?O?Oi??Ui??Ui?? U?O?U?UsO?Ui?? O? Oi??Ui??Oi??Oi??Ui?? Oi??Oi??O?Ui?? O? U?U?Ui??U? Oi??Oi??Oi??Oi??Oi??Ui?? U?Oi??U?O?U?Oi??Oi??US

O? Oi??U?O?Oi??Ui??O?O?Oi??Ui?? U?Ui??O?Ui??O?Oi?? Ui??Oi??Ui??O? Oi??O?Oi??U? O?Ui??US U?Oi??U?Ui?? O?U? O?Ui??O?Ui?? U?Ui?? Ui??Ui??O?Ui??Oi??Oi?? Ui??U? U?U?U?Ui?? Ui??U? O? …