سه شنبه , اسد ۳۰ ۱۳۹۷
Home / افغانستان / ایران په ۲ میاشتو کي تر ۱۰۰۰ زیات افغان ماشومان له خپلي خاوري ایستلي

ایران په ۲ میاشتو کي تر ۱۰۰۰ زیات افغان ماشومان له خپلي خاوري ایستلي

ایران په تېرو دوو میاشتو کي تر۱۰۰۰ زیات افغان ماشومان له خپلي خاوري ایستلي دي.

دا ماشومان، چي د هغوی د کورنیو غړیو ته له خبر ورکولو پرته ایستل سوي، په دې موده کي د افغانستان په اسلام قلعه او نیمروز ولایت کي سرګردانه ګرځي.

په هرات کي د کار او ټولنیزو چارو وزارت ريیس عبدالقیوم افغان وايي چي دا ماشومان افغانستان ته د ستنېدو په لار کي د ګڼو نورو خطرونو ترڅنګ د انساني قاچاقبرو له خطر سره مخامخ سوي دي.

راپورونه وايي چي ایران د ورځي له ۳۰ تر ۵۰ افغان ماشومان له خپلي خاوري باسي.

عبدالقیوم افغان وايي چي د اکثرو راشړل سویو ماشومانو میندي او پلرونه په ایران کي پاتي دي.

«دوی د ایران له کوڅو او واټونو راټول سوي او بیا افغانستان ته راستول سوي دي.»

د هرات د کار او ټولنیزو چارو وزارت ريیس اټکل کوي چي په راتلونکو میاشتو کي به هم د ایران له لوري د ماشومانو د ایستلو لړۍ دوام وکړي.

ایران عموماً په ژمي کي د افغانانو د بېرته ستنولو بهیر چټکوي.

د عبدالقیوم په وینا له ایران څخه اکثره ایستل سوي ماشومان د افغانستان د ختیځو او جنوبي ولایتونو په شان د لېري پرتو سیمو اوسېدونکي دي.

About Nisar Ahmad Ahmadi

ليکوال او ژورناليست

Check Also

د دشت برچې د حملې د مرګ ژوبلو شمېر تر ۱۰۰ واوښت

د عامې روغتیا وزارت ویندوی وايي چي د دشت برچي د حملې د مرګ ژوبلو …