چهارشنبه , میزان ۲۵ ۱۳۹۷
Home / افغانستان / عبدالله او مایک پنس د کابل او واشنګټن ترمنځ پر دوامداره مشارکت ټینګار وکړ.

عبدالله او مایک پنس د کابل او واشنګټن ترمنځ پر دوامداره مشارکت ټینګار وکړ.

د افغان حکومت اجرائیه رئیس او د امریکا مرستیال ولسمشر د افغانستان پر امنیتي وضعیت د واشنګټن د نوې ستراتیژۍ د مثبتو اغېزو په اړه خبري وکړې.

سپیني ماڼۍ په خپله اعلامیه کي ویلي عبد الله او پنس د افغانستان پر سیاسي وضعیت د خبرو سربېره د امریکا د نوي ستراتیژۍ او د افغانستان پر امنیت د هغي د مثبت اغېز په اړه هم بحث وکړ.

اعلامیه وايي، مرستیال ولسمشر مایک پنس د افغان ځواکونو زړورتیا او قربانیو او د داعش او القاعده په شان نړیوالو تروریستي ډلو پر ضد د هغوۍ د مبارزې ستاینه وکړه.

د امریکا مرستیال ولسمشر دغه راز په افغانستان کي د اصلاحاتو د پروسې اړوند د پرمختګونو او هڅو پر دوام ټنیګار وکړ او راتلونکي انتخابات او سیاسي مشارکت يې د افغانستان لپاره مهم وبلل.

سپینه ماڼۍ وايي، عبدالله عبدالله او مایک پنس د کابل او واشنګټن ترمنځ پر دوامداره مشارکت هم ټینګار وکړ.

تر دې مخکي د افغان حکومت اجرائیه رئیس د متحده ایالاتو د دفاع له وزیر جیمز مټېس د ملي امنیت له سلاکار مک مسټر او د کابل او اسلام اباد لپاره د امریکا له سرپرست استازي الیس ویلس سره هم د افغانستان د وضعیت او د افغانستان او جنوبي اسیا لپاره د واشنګټن پر نوي ستراتیژۍ خبري وکړې.

تمه ده چي ښاغلی عبد الله نن په کاناډا کي د هلفیکس په نوم نړیوال امنیتي کانفرانس کي وینا وکړي.

About Nisar Ahmad Ahmadi

ليکوال او ژورناليست

Check Also

ولسمشر غني، ټولي دولتي ادارې د کورنیو تولیداتو رانیولو ته مکلفوم

ولسمشر غني وايي، له راتلونکې لمریز کال څخه به دولتي ادارې مکلفي کړي چي د …